Nike • Booker 1 • 95 All-Star 發行年份 : 2025-05-02 - 講真而家Nike有幾多對明星簽名鞋係真係可以俾人心心記住嘅？ - 我覺得至2018年開始Nike嘅籃球簽名鞋其實已經名存實亡，好多球星所推出嘅簽名鞋都係掛羊頭賣狗肉，名不符實，頂佢個肺Zion Williams咁Q大份，你竟然可以整一對低筒後衛型嘅鞋俾佢着，我真係吹你唔脹。好地地見到Jason Tatum着AJ34 35打波都覺得幾好睇，然後你就同我嚟一個大改版要佢去試水中底留空嘅掛名JT1….而Luka就更加唔使講，我自己私心覺得佢嘅簽名係淨係出咗一代..之後就係團隊鞋系列，而Luka只不過係拎住對鞋着上腳嘅人，而唔係佢嘅簽名鞋。 - 呢一個前設去講我哋今日呢一對Booker1，或多或少都可以比較出Nike對呢位曼巴門徒嘅尊重，神似Air force one嘅鞋型，係我差啲Diu出聲之前，你同我講係因為尊重Booker嘅意願，好咁我忍住，但係點解佢自己上腳嘅Booker1前掌係有防側翻角，而唔去修正返市售版都有呢個功能呢？所以只能夠講Nike佢哋都承認佢哋嘅簽名係有不足，但係與其去修正已經出咗嘅鞋，倒不如喺下一代就一次過搞，其實呢一樣嘢就可以睇得出佢對我哋打籃球嘅人或者買家都係嗰種你要就要唔要就算撚數嘅心態，所以我可以宣佈呢一對Booker1係特別小小嘅「掛名鞋」。 - 而而家輸唔起嘅Nike可能係發現自己嘅Booker1仲有好多庫存？所以就推出好多之前大家都好引頸以待瘋狂敲碗嘅PE配色，但係轉過方向諗，其實呢個心態同你之前一直瘋狂復刻Dunk Low又有咩嘢分別呢？ - 都係嗰句，如果靠翻叮配色可以撈到風生水起，咁真係唔怪得你嘅股價同市值可以係呢幾年插咁多水。