361 ° • 飞燃4X4 • 丹霞 發行年份 : 2025-03-01 - 如果講到2025年令我覺得滿足有驚喜嘅跑鞋，我先係會諗起Adidas嘅 Evo SL，然後我就會將我嘅第二名分俾361度飞燃4X4。 - 講求性價比而堆料堆得起嘅2025年跑圈上的確有好多唔少值得稱讚嘅跑鞋可以拎出嚟講，但係如果要綜合喺返工，各種唔同路段環境嘅跑步呢兩方面而言，呢對飞燃4X4的確係令我眼前一亮，之前我都有介紹過佢嘅性能，而我今次想用廣東話同大家介紹吓入手佢嘅一啲優點同埋缺點，或者係下一代可以更加改進嘅地方。 - 係優點方面，飞燃4X4 呢一個系列的確係可以做到四平八穩，無論係跑步期間嘅步態，定係一啲喺越野跑嘅時候先會發生嘅路面不平，有碎石或者泥地濕滑，佢都可以迎刃而解，加上佢做得可圈可點嘅中底配置，配備自家嘅碳板，就算俾人一直垢病嘅「碳板鞋唔可以著黎通勤」定律喺佢面前都要打上一個若隱若現嘅問號。 - 喺可以改進嘅地方，我覺得飞燃4X4喺下一代可以嘗試吓利用一啲唔同嘅物料或者織物去多樣化呢一個系列鞋型嘅唔同性能，令到唔同嘅用家可以配合返佢哋經常使用嘅場景去「常用」呢對鞋，例如，我係話例如，捨棄佢防水嘅特點，而用一啲透氣性高嘅織物去打造佢嘅鞋面，又或者出啲Boa系統，神話閹割綁鞋帶呢個設定，呢啲都係我對下一代嘅小小期望。 - 放眼現狀，我覺得361度的確已經改變咗我對國產球鞋跑鞋同埋籃球鞋嘅觀念，對唔住囉，係我對你哋有少少誤會，原來你哋咁好嘅….